கால்கள்

சில ஜோடி கொலுசொலிக்கு
ஆசைப்பட்டு கடல் தாண்டி
வருகின்றனவாம் அலைகள்
சுனாமி பெயர்சூட்டி

சில செருப்புகளின் தடங்களுக்கு
இடம் பெயர்கின்றன மணற்மேடுகள்
மிதிக்க மிதிக்க அவை
மதிக்கப்படுமாம்

முத்துக்களும் முத்தமிட வேண்டுமாம்
வண்ணம் பூசிய கால் நகங்களை
முத்துக்களுக்கு முகில்கள்
மேல் ஆசை என்ன செய்வது

மீன்களுக்கு கன்னியரின் கால்களில்
ஆசையில்லையாம் - தீண்டிவிட்டால்
அவற்றுக்கு தீராத குளிர் காய்ச்சலாம்
ஜலதோஷத்துடன்

தெரிந்தும் தவிர்க்கின்றனர் பெண்கள்
கடலலைகளை, மணற்மேடுகளை
முத்துக்களை மீன்களை
ஹை ஹீல்ஸில்