Friday, June 04, 2010

பத்து பத்து

ஏக்கப் பார்வையுடன் கூடிய
பதற்ற அசைவுகளுடன்
பிரிவின் கணங்கள் பொருந்திய
வார்த்தைத் தெறிப்புக்களை
இருவருக்கான இடைவெளியெங்கும்
இட்டுச் செல்கிறாய் நீ

விழித்திரை விலகும்
காட்சிகளின் இழப்பு
தீர்க்கவியலா புதிரொன்றை
ஒப்புமைக்கான தலையசைவாகவும்
வியப்பு, இயலாமை, புரிதலுக்கான
உதடு குவிப்புகளாகவும்
நீட்டித்துச் செல்கிறது

கணங்களைக் கைப்பற்ற
முடியாத கடிகாரமொன்று
பத்து பத்திலேயே
நின்று கொண்டிருக்கிறது.

4 comments:

VELU.G said...

//கணங்களைக் கைப்பற்ற
முடியாத கடிகாரமொன்று
பத்து பத்திலேயே
நின்று கொண்டிருக்கிறது.
//

அருமை தொடர்ந்து எழுதுங்கள்

Karthikeyan said...

கணங்கள் நிறைந்த கணங்கள்...

பா.ராஜாராம் said...

ரொம்ப பிடிச்சிருக்கு கணேஷ்.

Ganesh Gopalasubramanian said...

ஜீவி...பாரா சார்.. கார்த்திகேயன்... எல்லோருக்கும் நன்றி.

பாரா சார்... ஆவியா அடிக்கடி பாக்க முடியுதே உங்கள ? ;)